طريقة أخذ الشادو بشكل إحترافي من الصور
إيه بقا حوار طقية الإخفاء ده هقولك لأن ده السر و التركاية لما تعرفها هتغير من جودة شغلك للأبد وهتطلع تصميمات غير الأول وخلال أقل من شهر من الممارسة أنا بضمنلك أنك هتقدر ترفع سعر تصميماتك أو تطلب زيادة مرتب ولو أنتا لسا مشتغلتش فأنت محظوظ جداً هتعرف تركاية مش عند ناس كتير أوي ودا هيميزك.
—————
خلينا نخش في الجد بقا … أنتا لما تحب تقص أي حاجة بالبن تول بتحدد اللي أنتا عايزه وتمسح الباقي … ده اسمه تبزير أنتا مش مقدر اللي انتا بترميه ده انتا تقدر تعمل بيه إيه طب ايه رأيك لو تاخد اللي انتا عايزه والباقي ده تلبسه طقية الإخفا أو العباية السودا اللي بتخفي اللي يلبسها في هاري بوتر.
السؤال هنا بقا أنا مثلا بقص راجل من خلفية بيضا ليه أعمل كدا أصلاً
سببين يا سيدي!
1. أنتا لو عندك غلطة في القص ممكن تزيح العباية شوية و تبين حتة من الرجل مثلا أنتا عايزها و كانت مخفية شئ جميل بس مش دا الغرض بتاعنا.
2. أنك ممكن تقول للفوتوشوب أخفيلي كل الابيض و سيبلي الباقي.
و تخيل الشادو بيبقي لونه أييييه ؟!
وصلت ؟
خلينا نبدأ علي بركة الله
هنحدد الصورة بتاعتنا بالبن تول قص الشعر ليه تركاته برضو بس مش موضوعنا حالياً
هنضغط كنترول و انتر أو كليك يمين و ميك سليكشن و بعدين هضغط أوك
كدا أنا حددت أوعي تحذف الابيض اوعي اوعي اوعااااي
هروح في صندوق اللايرز و أضغط العلامة دي اسمها “ماسك” القناع اللي بيخفي اللي تحته أو عباية هاري بوتر السودا أو طقية الإخفاء
هتلاقي الصورة بتاعتك عملت كدا علي اي خلفية
و هتلاقي شكل اللاير عمل معاك كدا
هعمل تكرار لـ اللاير بتاعي ctrl+j أو كليك يمين و دبلكيت ركز اوي اوي في الخطوتين الجايين اخر خطوتين مهم جدااااااااااااا
هضغط علي المربع بتاع الماسك بتاعي و من الكيبورد ادوس Ctrl+I كدا بقوله اعكس يعني انا كنت خافي الابيض الباقي بعد القص بالبن تول لا بقا اخفيلي كله و هاتلي الابيض
هتلاقي الصورة رجعت كأنك مقصتهاش متقلقش السحر كله في الخطوة الجاية اللي هي الأخيرة
هختار المود بدل Normal هتبقا Multiply
بس يا مان خلصنا و ممكن تكرر اللاير بتاع الشادو أو تعمله دوبليت يعني علشان تتقل الشادو
و في أقل من نص ساعة عملت تصميم شيك يا معلم
نضيف كام باك أكل ع السريع مش مهم الإحترافية دلوقتي
2 thoughts on “طريقة أخذ الشادو بشكل إحترافي من الصور – أحمد صادق”